Eldey, kór eldri borgara á Suðurnesjum

Eldey, kór eldri borgara á Suðurnesjum býður öllum sem orðnir eru 60 ára og eldri og vilja vera í kór endilega að koma til móts við okkur, það vantar í allar raddir hjá okkur, ertu Tenór? Bassi? Sópran eða Alt?

Við æfum á þriðjudögum í Kirkjulundi í Keflavíkurkirkju kl. 16.00 til 18.00

undir dyggri handleiðslu Arnórs B. Vilbergssonar.

Auk þess að æfa skemmtileg lög, þá er léttleikinn alltaf í fyrirrúmi, og við höldum tónleika einu sinni til tvisvar á ári, tökum þátt í kóramóti ásamt 4 öðrum kórum eldri borgara frá Akranesi,Árborg, Hafnarfirði og Mosfellsbæ.

Höfum heimsótt aðra kóra víðsvegar um landið og förum í óvissuferð, höfum farið í nokkrar tónleikaferðir til útlanda svo eitthvað sé nefnt.

Endilega komið og kíkið á okkur í Kirkjulund á æfingu á þriðjudögum.

Fyrsta æfingin í haust verður þriðjudaginn 8.sept. 2026 í Kirkjulundi kl. 16.00--18.00.

Allir á Suðurnesjum velkomin í Eldeyjarkórinn.