HÓLMSVÖLLUR Í LEIRU

Velkomin á Hólmsvöll í Leiru — þar sem stórbrotin náttúra og frábær golfupplifun mætast.

​Stutt er í Leiruna en völlurinn lætur engan ósnortinn. Hólmsvöllur í Leiru býður upp á 18 holur þar sem fegurð Faxaflóa, hrjúf hraunbreiða og fjölbreytt hönnun sameinast í einstakri upplifun fyrir kylfinga á öllum getustigum.

Völlurinn hefur verið uppfærður á síðustu árum, og árið 2024 voru gerðar breytingar sem bættu flæði brautanna. Nú hefst hringurinn á aðgengilegri hátt þar sem leikmenn fá tækifæri til að komast mjúklega inn í leikinn, en lokaholurnar bjóða upp á rólega og sjónræna endaspretti þar sem útsýnið frá 18. flöt spannar nánast allan völlinn.

​En ekki láta friðsældina blekkja þig. Holur 10 til 14 eru eru Halelúja Hornið (''Amen corner'') Íslands – fimm holna kafli sem krefst nákvæmni, útsjónarsemi og fullrar einbeitingar.

​Perla vallarins er án efa 12. holan, Bergvíkin — víðfræg par-3 hola sem margir kalla þá mögnuðustu á landinu. Hér þarf að slá yfir opið haf, allt að 180 metra, og aðeins hinir djörfustu ná flötinni í einu höggi. Þetta er ein af þeim golfholum sem maður gleymir aldrei.

​Hólmsvöllur hefur um árabil verið vettvangur stórmóta. Íslandsmótið í höggleik fór fram hér árið 2024, og árið 2026 mun Leiran hýsa Íslandsmótið í holukeppni.

​Á svæðinu er að finna glæsilegt klúbbhús þar sem hægt er að njóta ljúffengra veitinga og útsýnis yfir völlinn og strandlengjuna.

Við bjóðum upp á leigu á kylfum og kerrum — og hvetjum alla kylfinga, nær og fjær, til að koma og upplifa einstaka stemningu í Leirunni.

Nánari upplýsingar eru veittar á gs.is eða á netfangið gs@gs.is

Hlekkur til að versla aðild https://www.abler.io/shop/gs