
Hestur í fóstur - Hestamannafélagið Máni kynnir !
Hestur í fóstur !
Í vetur mun hestamannafélagið Máni bjóða uppá námskeiðið hestur í fóstur. Þessi námskeið eru fyrir krakka sem langar að kynnast hestamennsku en eiga ekki hest. Þau fá hest, reiðtygi, hjálm og brynju og þurfa að hugsa um hestinn sem sinn eiginn þ.e kemba hestinum, moka skít, gefa hey, fara með hestinn í járningu o.fl.
Að taka hest í fóstur getur verið góður undirbúningur ef maður hefur áhuga á að skella sér í hestamennskuna. Þar læra þau að hugsa um hesta, því hestamennskan snýst ekki bara um að stíga á bak og ríða af stað.
Námskeiðin eru aðeins ætluð þeim sem eru óhræddir við hesta og tilbúnir að ríða hraðar en fet.
Námskeiðið verður 1x í viku í 6 vikur og kostar 32400 kr. og byrjar í janúar 2023, nákvæmari dagsetning er ekki komin.
Ef fullorðnir hafa áhuga þá verður þetta í boði ef næg þátttaka er og verður um helgar
Nánari upplýsingar gefur Guðrún í gegnum emailið hesturfostur@gmail.com