Reykjanesbær
Keflavíkurkirkja kynnir !
Fastir liðir í Keflavíkurkirkju
Barnastarf
Regnbogaraddir Keflavíkurkirkju er barnakór kirkjunnar. Stjórnendur kórsins eru Arnór Vilbergsson, organisti og Freydís Kneif Kolbeinsdóttir. Þátttakendur koma fram í fjölskyldummessum, aðventuhátíð og viðburðum á vegum kirkjunnar. Kóræfingar eru alla sunnudaga kl. 12:00 í Kirkjulundi.
Sunnudagaskóli er alla sunnudaga kl. 11. Söngur, biblíusögur og brúður eru fastir liðir í sunnudagaskólanum. Umsjón hafa Marín Hrund Jónsdóttir, Helga Sveinsdóttir og Alexander Grybos.
Fullorðins- og eldri borgarastarf
Hundar og hámenni er brideklúbbur eldri borgara í Keflavíkurkirkju. Komið er saman alla miðvikudaga kl. 9:00-11:30 í Kirkjulundi. Umsjón hefur Arnór Vilbergsson, organisti.
Himnavoðir er hópur kvenna sem vinnur að margvíslegri handavinnu, s.s. útbúa skírnarklúta, voðir í barnakistur og margskonar prjónavörur. Komið er saman alla miðvikudaga kl. 9:30-12:00 í Kirkjulundi. Umsjón hefur Heiða Björg Gústafsdóttir, djákni.
Kyrrðarstundir eru alla miðvikudaga kl. 11:30 í kapellu vonarinnar. Prestar og organisti leiða stundir með orðum og söng. Gæðakonur matreiða og bera fram súpu, brauð og kaffi eftir hverja stund.
Guðsþjónustur eru alla sunnudaga kl. 11. Kvöldguðsþjónustur eru kl. 20:00 ákveðna sunnudaga hvers mánaðar. Prestar þjóna við hverja stund ásamt organisti og Kór Keflavíkurkirkju,
Æðruleysismessa var upphaflega hugsuð sem svar við vaknandi og vaxandi trúarþörf fólks sem byrjaði að feta AA-leiðina. Messurnar höfða til breiðari hóps en alkóhólista og aðstandenda þeirra og einkennast af einföldu formi, miklum söng og virkri þátttöku safnaðarins í tali og tónum um leið og þær gefa innsýn í þá bataleið sem kennd er við 12- spora samtök. Æðruleysismessur eru fyrsta miðvikudag í mánuði kl. 20:00. Umsjón hefur sr. Fritz Már Jörgensson.
Kyrrðarbæn er aldagömul bæna- og íhugunaraðferð. Í stundunum fer einnig fram marvísleg fræðsla og leshringur. Komið er saman alla mánudaga kl. 12:00 í kapellu vonarinnar. Umsjón hefur Albert Albertsson.
Fyrirbænahópur kemur saman annan hvern þriðjudag kl. 18:00 í kapellu vonarinnar. Bænarefnin eru fyrirbænir, sem berast til presta, djákna, starfsfólks og til hópsins, sem og bænir fyrir starfi Keflavíkurkirkju og náunganum nær og fjær. Umsjón hefur Heiða Björg Gústafsdóttir, djákni.
Eldey er kór eldri borgara á Suðurnesjum og mikilvægur þáttur í safnaðarstarfi Keflavíkurkirkju. Æfingar eru alla þriðjudaga kl. 15:30-17:30 í Kirkjulundi. Kórstjóri er Arnór Vilbergsson, organisti.
Kór Keflavikurkirkju hefur tilheyrt kirkjunni í 80 ár. Hann æfir alla miðvikudaga kl. 18:00-20:00. Kórstjóri er Arnór Vilbergsson, organisti.
Vox Felix er samstarfsverkefni kirkna á Suðurnesjum. Ungmennasönghópur æfir alla mánudaga kl. 18:30-20:30. Aldurstakmark er 16 ára. Kórstjóri er Rafn Hlíðkvist Björgvinsson.