Leikjanámskeið KFUM og KFUK

LEIKJANÁMSKEIÐ KFUM OG KFUK

KFUM og KFUK stendur fyrir skemmtilegum og fjörugum leikjanámskeiðum í sumar. Þar sem lagt er áhersla á aukinn þroska, líkama, sálar og anda. Leikjanámskeiðin eru ætluð börnum á aldrinum 6-9 ára. Mikil áhersla lögð á vináttu, kærleika, virðingu hvert fyrir öðru og unnið með kristið siðferði í hugsunum, orðum og gjörðum.

Leikjanámskeiðin verða haldin í Lindakirkju í Kópavogi og Félagsheimili KFUM og KFUK Reykjanesbæ (Hátún 36).

SKEMMTILEGIR OG FJÖRUGIR DAGAR

Á hverjum degi er boðið upp á vandaða og fjölbreytta dagskrá. Má þar nefna útivist, föndur, íþróttir, leiki, vettvangsferðir og fræðslu um lífið og tilveruna út frá kristilegu sjónarmiði. Lögð er áhersla á að hvert barn fái að njóta sín sem best við leiki og störf. Síðasta dag námskeiðs er boðið upp á uppskeruhátíð þar sem grillaðar verða pylsur og safi, andlitsmálning og margt annað.

Námskeiðin standa frá kl. 9:00-16:00 og húsnæðin opna kl. 8:45.

Börnin hafa sjálf með sér nesti fyrir allan daginn; morgunkaffi, hádegismat og síðdegiskaffi. Mælt er með hollu og næringaríku nesti.

Skráning hafin á sumarfjor.is - frekari upplýsingar kfum@kfum.is eða í síma 588-8899

Slóð