Reykjanesbær
Siglingafélagið Knörr !
Siglinganámskeið fyrir 9-15 ára
Þá förum við af stað með skráning á siglinganámskeið hjá Siglingafélaginu Knörr eftir margra ára hlé á starfsemi félagsins. Fyrstu námskeiðin hefjast 13. júní. Önnur námskeið verða auglýst síðar.
Hvert námskeið er í eina viku frá kl. 9:00 – 12:00 eða frá kl. 13:00 – 16:00. Kennt er í aðstöðu Knarrar við smábátahöfnina í Keflavík.
Námskeiðsgjald: 10.000 kr.
Námskeiðsdagar í boði eru:
- Námskeið 13. - 17. júní, kl. 09:00 - 12:00
- Námskeið 13. - 17. júní, kl. 13:00 - 16:00
Opnað hefur verið fyrir skráningu á kynninganámskeið dagana
- - 22. júní (Námskeið 3) og
- - 6. júlí (Námskeið 4.)
Námskeiðin verða haldin kl 16:00 - 18:00.
Kynninga námskeið kostar 5.000 kr
Skráning: Til að skrá sig á námskeið þarf að senda eftirfarandi upplýsingar á knorrsailing@gmail.com
Númer námskeiðs:
Nafn:
Kennitala:
Heimilisfang:
Nafn forráðamans:
Símanúmer:
Netfang:
Markmiðið námskeiðanna er að gefa ungmennum tækifæri til að kynnast sjónum og hvernig við umgöngumst hann á öruggan hátt. Á námskeiðunum læra þátttakendurnir að bregðast við síbreytilegum aðstæðum á sjó, sigla á kayak og seglbátum, fylgja öryggis- og siglingareglum og umgengni um báta og búnað þeirra. Markmiðið er alltaf að dagskrá námskeiðanna sé fjölbreytt, þroskandi og skemmtileg en líka að nemendur læri undirstöðuatriði siglinga.
Búnaður: Ætlast er til að þátttakendur komi klæddir eftir veðri. Ekki er mælt með stígvélum heldur frekar gömlum strigaskóm meðan á námskeiði stendur. Nauðsynlegt er að hafa meðferðis auka föt, auka skó ásamt góðu handklæði og plastpoka utan um blaut föt. Að sjálfsögðu fá allir björgunarvesti til afnota á námskeiðunum enda algjört skilyrði að klæðast þeim þegar haldið er út á sjó. Blautgalli er ekki nauðsynlegur en mjög hentugur. Þjálfari á öryggisbát fylgir nemendum þegar farið er út á sjó.
Nesti: Mælst er til þess að þátttakendur komi með nesti fyrir hvern dag.