Reykjanesbær
Sumarnámskeið körfuknattleiksdeildar Keflavíkur
Sumarnámskeið körfuknattleiksdeildar Keflavíkur
Sumarnámskeið fyrir (5) 6-11 ára í Blue höllinni
Kolbeinn Skagfjörð Jósteinsson ásamt fríðu föruneyti mun stýra stórskemmtilegu sumarnámskeiði fyrir iðkendur fædda 2012-2017. Boltafærni og skottækni í bland við spil og skemmtilega leiki munu einkenna námskeiðið sem Kolli hefur stýrt af mikilli festu undanfarin sumur við mikla kátínu.
Um er að ræða 4 vikna námskeið frá 12. júní til 6. júlí.
Æft verður þrjá daga vikunnar og er námskeiðinu skipt í tvo aldurshópa.
Árgangar 2015-2017 munu æfa frá 12:30 - 13:30 á mánudögum, þriðjudögum og fimmtudögum.
Árgangar 2012-2014 munu æfa frá 13:30 - 14:45 á mánudögum, þriðjudögum og fimmtudögum.
Verð fyrir árganga 2015, 2016 og 2017 er 8.500 kr.
Verð fyrir árganga 2012, 2013 og 2014 er 10.000 kr.
Sumarnámskeið fyrir 12-19 ára í Blue höllinni
Sigurður Friðrik Gunnarsson mun stýra sumarnámskeiði fyrir iðkendur fædda 2004 - 2011. Æft verður á þrisvar sinnum í viku: mánudaga, þriðjudaga og miðvikudaga frá 17:00 - 19:00 í Blue höllinni.
Um er að ræða styrktarþjálfun í bland við körfuboltaiðkun þar sem líkamlegur styrkur, snerpa, sprengikraftur, liðleiki og hreyfifærni verða í forgrunni í styrktarþjálfuninni og verður svo boðið uppá opin sal þar sem iðkendur geta aukið færni sína og haldið sér við í spili yfir sumarið.
Iðkendum verður boðið að notfæra sér æfingakerfi sem þeir geta stutt sig við til að bæta knattrak, skot og sendingar en hafa sveigjanleika og frelsi til að haga sinni æfingu eins og þeir kjósa sér.
Námskeiðinu verður skipt í tvær lotur þar sem fyrri lotan verður á tímabilinu 1. júní til 21. júní og sú seinni frá 10. júlí til 26. júlí.
Verð fyrir þetta 6 vikna námskeið er 20.000 kr.
Skráning fer fram í Sportabler