Tónlistarskóli Reykjanesbæjar
Tónlistarskóli Reykjanesbæjar er líflegur tónlistarskóli með mjög fjölbreytt námsframboð.
Skólinn tekur við nemendum frá 4 ára aldri (Suzuki-nám) og upp úr.
Kennt er á öll hefðbundin hljóðfæri klassískrar tónlistar sem og popp-, rokk- og djasstónlistar.Auk þess er kenndur söngur, bæði klassískur söngur og popp-, rokk- og djass-söngur (rytmískur söngur).
Sérstakur áhersluþáttur í starfsemi skólans er samspil, en nemendur á hljómsveitahljóðfæri/samspilshljóðfæri
byrja í samspili mjög snemma á námsferlinum.
Þeir sem kjósa geta fengið hljóðfæranámið sitt í grunnskólunum á skólatíma upp í 7. bekk.
Annars fara hljóðfæratímar fram í Tónlistarskólanum að Hjallavegi 2.
Þó eru rafgítar, rafbassi og rytmískt píanó (popp, rokk og djass) undanskilin, en kennsla í þeim greinum fer fram í Tónlistarskólanum.
Tónfræðagreinar og samspil eru sömuleiðis kennd í Tónlistarskólanum, sem og öll söngkennsla.
Greiða þarf skólagjöld. Gjaldskrá hvers árs er á vefsíðu skólans: tonlistarskoli.reykjanesbaer.is
og á vef Reykjanesbæjar: reykjanesbaer.is
Sótt er um nám við Tónlistarskóla Reykjanesbæjar rafrænt á vefsíðu skólans.
Kynntu þér starfið - Allir með!
Nánari upplýsingar:
Heimasíða Tónlistarskóla Reykjanesbæjar
Facebook síða Tónlistarskóla Reykjanesbæjar